हनुमान जयन्तीको अवसरमा रुपन्देहीको सैनामैना नगरपालिका वडा नं. ६ स्थित कालमोचन शिवालय मन्दिरमा विशेष धार्मिक कार्यक्रम सम्पन्न गरिएको छ ।
बिहिबार राति मन्दिर परिशरमा १०८ जना भक्तजनहरूले सामूहिक रूपमा हनुमान चालीसा पाठ गर्नुका साथै भजन–कीर्तन सम्पन्न गरिएको थियो । कार्यक्रममा बालबालिका, युवा तथा जेष्टनागरिकहरुको उल्लेख्य सहभागिता रहेको थियो ।

हनुमान चालिशा बढ्न थाले पछि सैनामैनाका बिद्यार्थीहरुको बानि ब्यवहारमा परिवर्तन आएको पंडित बिष्णु घिमिरेले बताउनु भयो ।
यस किसिमका धार्मिक कार्यक्रमहरूले समुदायमा सद्भाव र एकता बढाउनुका साथै सांस्कृतिक परम्परालाई जगेर्ना गर्न सहयोग पुग्ने विश्वास गरिएको छ ।